მძღოლის პირობები

ვერსია: 2026-09-28

წინამდებარე პირობები არეგულირებს ურთიერთობას შპს მინიონ 2026-სა (შემდგომში „კომპანია", „FlashTaxi") და პირს შორის, რომელიც FlashTaxi-ის პლატფორმაზე მძღოლად რეგისტრირდება (შემდგომში „მძღოლი"). რეგისტრაციისას ჩეკბოქსის მონიშვნით და განაცხადის გაგზავნით მძღოლი ადასტურებს, რომ გაეცნო და ეთანხმება ამ პირობებს.

1. პლატფორმის როლი — შუამავალი

• FlashTaxi არის ტექნოლოგიური პლატფორმა (შუამავალი), რომელიც აკავშირებს მგზავრს და დამოუკიდებელ მძღოლს: აჩვენებს შეკვეთას, წინასწარ ითვლის ფასს და ამუშავებს ანგარიშსწორებას.
• კომპანია არ არის გადამზიდავი და თავად არ ახორციელებს მგზავრთა გადაყვანას. მგზავრობის მომსახურებას უწევს მძღოლი, საკუთარი სახელით და პასუხისმგებლობით.

2. მძღოლის სტატუსი

• მძღოლი არის დამოუკიდებელი მომსახურების მიმწოდებელი. ამ პირობებით არ წარმოიშობა შრომითი ურთიერთობა — მძღოლი არ არის კომპანიის თანამშრომელი ან წარმომადგენელი.
• მძღოლი თავად წყვეტს, როდის გავიდეს ხაზზე და რომელი შეკვეთა მიიღოს.

3. მოთხოვნები მძღოლისა და ტრანსპორტისადმი

• მოქმედი მართვის მოწმობა შესაბამისი კატეგორიით: მანქანისთვის — „B", მოტოციკლისთვის — „A".
• ტრანსპორტი კანონიერად რეგისტრირებული, ტექნიკურად გამართული და სუფთაა.
• მოტოციკლის მძღოლი მგზავრს აძლევს სუფთა, გამართულ ჩაფხუტს და გადაჰყავს მხოლოდ ერთი მგზავრი.
• რეგისტრაციისას და ფოტო-კონტროლისას მიწოდებული მონაცემები და ფოტოები სწორი და აქტუალურია; ცვლილებისას მძღოლი ანახლებს მათ.

4. მძღოლის პასუხისმგებლობა

მძღოლი თავად აგებს პასუხს:

• მგზავრობის უსაფრთხოებაზე და საგზაო მოძრაობის წესების დაცვაზე, მათ შორის ჯარიმებზე;
• ტრანსპორტის ტექნიკურ მდგომარეობასა და კანონით სავალდებულო დაზღვევაზე;
• საქმიანობისთვის საჭირო ნებართვებზე (მაგ. მუნიციპალიტეტის ტაქსის ნებართვა, თუ მოითხოვება);
• გადასახადებსა და დეკლარირებაზე, საკუთარი შემოსავლიდან;
• მგზავრისთვის ან მესამე პირისთვის მის მიერ მიყენებულ ზიანზე.

კომპანია პასუხს აგებს პლატფორმის გამართულ მუშაობაზე, კანონით დაშვებულ ფარგლებში, და არ აგებს პასუხს მძღოლის ქმედებაზე ან მგზავრობის დროს მომხდარ შემთხვევაზე.

5. ფასი, საკომისიო და ანგარიშსწორება

• მგზავრობის ფასს ითვლის პლატფორმა; მძღოლი მას ხედავს შეკვეთის მიღებამდე.
• კომპანია თითო დასრულებული მგზავრობიდან იტოვებს საკომისიოს — ამჟამად 12%. ცვლილების შესახებ მძღოლს წინასწარ ეცნობება.
• ნაღდი ანგარიშსწორებისას თანხა მძღოლთან რჩება, საკომისიო კი მის ბალანსს აკლდება. ბარათით გადახდისას თანხას იღებს კომპანია და მძღოლის ბალანსზე რიცხავს საკომისიოს გამოკლებით.
• ბალანსის ყოველი ცვლილება აპში ჩანს. თუ ბალანსი −10 ₾-ზე დაბლა ჩამოვა, მძღოლი ხედავს მხოლოდ ბარათით გადახდილ შეკვეთებს, სანამ ბალანსი არ აღდგება.
• დადებით ბალანსს მძღოლი გაიტანს აპიდან, საკუთარ საბანკო ანგარიშზე.

6. ქცევის წესები

• თავაზიანი მომსახურება, დისკრიმინაციის გარეშე; მგზავრობისას არ მოწიოს.
• ალკოჰოლის, ნარკოტიკული ან სხვა თრობის ქვეშ მართვა აკრძალულია.
• არ მოსთხოვოს მგზავრს აპში ნაჩვენებზე მეტი თანხა.
• მგზავრის მონაცემები (ტელეფონი, მისამართი) გამოიყენოს მხოლოდ კონკრეტული მგზავრობისთვის და არ გადასცეს სხვას.

7. შეფასება, შემოწმება და დეაქტივაცია

კომპანია ითვალისწინებს მგზავრების შეფასებებსა და საჩივრებს. დარღვევის, თაღლითობის, დაბალი შეფასების, ვადაგასული დოკუმენტების ან ფოტო-კონტროლის გაუვლელობის შემთხვევაში კომპანიას შეუძლია ანგარიშის დროებით შეჩერება ან დაბლოკვა.

8. პერსონალური მონაცემები

ხაზზე ყოფნისას აპი ამუშავებს მძღოლის მდებარეობას — შეკვეთების შესათავაზებლად და მგზავრისთვის მძღოლის საჩვენებლად. დოკუმენტები და ფოტოები მუშავდება გადამოწმებისთვის. დეტალები — „კონფიდენციალურობის პოლიტიკაში".

9. პირობების ცვლილება და შეწყვეტა

• კომპანიას შეუძლია პირობების განახლება; არსებითი ცვლილების შესახებ მძღოლს ეცნობება აპში ან საიტზე. პლატფორმით სარგებლობის გაგრძელება ნიშნავს ახალ პირობებზე თანხმობას.
• მძღოლს ნებისმიერ დროს შეუძლია საქმიანობის შეწყვეტა და ანგარიშის წაშლა აპიდან.

10. მოქმედი კანონმდებლობა

პირობები რეგულირდება საქართველოს კანონმდებლობით. დავები წყდება მოლაპარაკებით, შეთანხმების მიუღწევლობისას — საქართველოს სასამართლოების მეშვეობით.

11. კონტაქტი

შპს მინიონ 2026 · ს/კ: 445856869 · საქართველო, ქ. ბათუმი, აღმაშენებლის 56 · ტელ: +995 599 17 19 64 · nikolai.infoo@gmail.com